Во холандските градови Амстердам и Керкаде одекнаа две експлозии во две пошти.
Во експлозиите нема повредени, а полицијата се сомнева оти станува збор за писмо-бомби.
На лице место веднаш пристигнале полициски сили, пожарникарски и екипи на итна помош.
Според холандските медиуми, втората експлозија се случила само половина час после првата.
Кон крајот на декември и почетокот на јануари вакви писма-бомби биле испратени на адресата на седум фирми во Амстердам, Ротердам, Утрехт и Мастрихт.
Бомбите биле направени за да изгледаат како да се испратени од централната агенција за собирање на пошта „ЦИБ“