Ова не се случило 25 години: Тесла е пред БМВ и Мерцедес

ПОСЛЕДНИ ВЕСТИ

BMW не успеа да го повтори успехот четврта година по ред.

Во Америка по правило на листата на најпродавани луксузни брендови наизменично се менуваат германските премиум брендови, најчесто BMW и Mercedes, а ним им се придружува и Lexus. Сите останати се далеку зад себе. Така беше додека не дојде Тесла, кој суштински го промени балансот на силите.

Не само што Tesla е најпродаваниот луксузен бренд во САД, туку има и далеку подобра продажба од второпласираниот BMW. И тоа во една година во која беа забележани дополнителни проблеми во синџирот на снабдување, пад на акциите на Tesla за 60 проценти и општа стагнација на пазарот на нови автомобили.

Во таква атмосфера, Tesla продаде 491.000 автомобили во Америка, додека BMW го освои второто место со 332.388 продадени примероци. Трето место е Mercedes со 286.764 продадени примероци, а потоа Lexus со 285.704 продадени примероци. Следат Audi, Cadillac, Acura и Volvo со значително помала продажба.

„Не само што клиентите сакаат електрични возила, туку оној што продава само електрични возила сега е лидер во продажбата“, изјави Тајсон Џомини за Automotive News. „Ако сакате да бидете на врвот на луксузниот сегмент, треба да ја победите Тесла, а тоа треба да го направите со електрични возила.

Ова е прв пат по 25 години најпродаваниот луксузен бренд на пазарот на нови автомобили во Америка да биде домашен производител. Да споменеме и како Tesla ја заврши 2022 година со испорачани повеќе од милион автомобили, истакнува Auto News.