Бремена патничка се породила на лет на „Делта ерлајнс“ од Атланта до Портланд, околу 30 минути пред слетувањето на аеродромот, соопшти авиокомпанијата.
Во авионот, кој превезувал 153 патници и четири члена на екипажот, екипажот побарал приоритетно слетување откако жената добила породилни болки, објави ABC.
Според Делта, кабинскиот персонал помогнал во породувањето со помош на лекар и две медицински сестри кои се нашле меѓу патниците.
На аудио-снимката од комуникацијата во кабината, може да се слушне како член на екипажот потврдува дека „во авионот е родено бебе“, бидејќи летот бил пренасочен кон итно слетување.
Авионот бил пречекан од противпожарна и спасувачка екипа по пристигнувањето на аеродромот, а пристаништето во Портланд објави дека мајката и новороденчето се во стабилна состојба и се префрлени во болница.
Авиокомпанијата изјави дека екипажот поминува низ медицинска обука за итни ситуации, вклучително и породување во лет, и дека во такви случаи се активираат стандардни процедури за итно слетување и медицинска помош на земја.