Портпаролот на Кремљ, Дмитриј Песков, денес изјави дека одложувањето на втората рунда мировни преговори за Украина во Абу Даби е резултат на несогласувања во распоредот на делегациите и дека нови разговори ќе се одржат на 4 и 5 февруари.
„Разговорите беа навистина планирани од самиот почеток, втората рунда од работата на безбедносната група беше закажана за минатата недела, но беа потребни дополнителни прилагодувања на распоредот на трите страни“, изјави Песков пред новинарите, пренесува РИА Новости.
Песков изјави дека следната рунда мировни преговори за Украина во Абу Даби ќе се одржи на 4 и 5 февруари.