Унгарскиот проевропски лидер на централно-десничарската партија, Петер Маѓар, положи заклетва како премиер на Унгарија, со што официјално заврши 16-годишното владеење на Виктор Орбан.
Церемонијата се одржа денеска, на која Маѓар ги повика луѓето да му се придружат.
„Да напишеме заедно унгарска историја и да поминеме низ портите на промена на режимот“, порача Маѓар.
Резултатот предизвика воодушевување во Будимпешта и пошироко, бидејќи Орбан и неговото популистичко, националистичко движење долго време беа претставени од глобалната крајна десница како пример што треба да се следи.
На секое појавување на Маѓар, толпата аплаудираше, додека некои им свиркаа на пратениците од Фидес и крајно десничарската партија „Наша татковина“.
„Ова е прв пат да почувствувам дека е добро да се биде Унгарец. Се чувствувам како да можам да плачам“, рече 68-годишната Ержебет Медве, која дошла од Мишколц североисточна Унгарија.