Пет лица се уапсени во Германија под обвинение за кршење на санкциите против Русија, вклучително и со извоз на стока потребна на руската воена индустрија, соопшти денес државното обвинителство во Карлсруе.
„Уапсените се осомничени за кршење на законите за извоз како членови на криминална група. Најдоцна од почетокот на војната во Украина, тие извезуваат во Русија преку постојните компании, со што го кршат извозното ембарго на Европската Унија“, соопшти Канцеларијата на главниот државен обвинител.
Понатаму се наведува дека најмалку 24 компании во Русија кои ја примиле стоката се компании кои припаѓаат на воениот сектор.
„Мрежата на приматели на стоки од руска страна најверојатно стои зад државните структури“, се вели во соопштението.
Извозот во Русија се вршеше преку компании во северна Германија, а вкупниот број изнесуваше 16.000 испораки со проценета вредност од 30 милиони евра.