Ирската актерка Бренда Фрикер, добитничка на Оскар, најпозната по улогата на жената со гулабите во култниот филм „Сам дома 2“, почина на 81-годишна возраст. Веста ја потврди нејзиниот агент Фил Белфилд , објави РТЕ .
„Никогаш повеќе нема да видиме некој како неа, а светот е посиромашен поради нејзината смрт. Беше чест да ја познавам, да ја сакам и да работам со неа и таа секогаш ќе има место во моето срце и во срцата на многу филмски и телевизиски фанови низ целиот свет“, рече тој.
Фрикер имаше кариера што траеше повеќе од шест децении, и на екранот и на сцената, и се етаблираше како една од најславните ирски актерки. Бренда влезе во историјата во 1990 година кога стана првата ирска актерка што освои Оскар. Таа ја освои наградата во категоријата за најдобра споредна женска улога за нејзината улога во „Моето лево стапало“.
Нејзиниот говор за прифаќање на наградата, кој го посвети на сите луѓе во Ирска, стана еден од клучните моменти во историјата на ирскиот филм.
Пошироката јавност ја запозна во филмови како „Полето“ и „Сам дома 2: Изгубени во Њујорк“, во кои таа играше осамена и љубезна жена со гулаби заедно со Меколи Калкин.
Фрикер беше познато лице и на телевизија. Таа беше една од првите ѕвезди на медицинската драма „Casualty“, во која ја играше ликот на медицинската сестра Меган Роуч.