Почина Џон Амос, најпознат по улогата на Џејмс Еванс во телевизиската серија „Добри времиња“ на CBS од 1974 до 1976 година.
Неговиот син Кели Кристофер Амос ја соопшти веста дури денеска, иако тој починал од природна смрт на 21 август на 84-годишна возраст.
„Со искрена тага споделувам со вас што татко ми почина. Тој беше човек со најљубезно и златно срце и беше сакан низ целиот свет. Многу обожаватели го сметаат за свој татко. Живееше убав живот. Неговото наследство ќе живее во неговите извонредни дела на телевизија и на филмот“, стои во објавата.