Регулаторната комисија за енергетика (РКЕ) донесе одлука за намалување на просечните малопродажни цени на нафтените деривати за 1,24 отсто во однос на претходната одлука од 27 јули.
Новите цени ќе важат од 5 август 2026 година од 00:01 часот.
Според одлуката на РКЕ, Еуросупер БС-95 ќе се продава по 91 денар за литар, додека Еуросупер БС-98 ќе чини 93 денари за литар. Цените на двата бензина се намалуваат за 2 денари по литар.
Еуродизелот ќе поскапи за 1 денар и ќе изнесува 99,50 денари за литар, додека екстра лесното масло за домаќинство (ЕЛ-1) ќе се продава по 98,50 денари за литар, што е зголемување од 0,50 денари.
Цената на мазутот М-1 НС се намалува за 1,680 денари и ќе изнесува 46,419 денари за килограм.
Во новата пресметка е применето намалување на акцизата за бензините за 2 денари по литар, а за дизел горивото за 4 денари по литар.
Од РКЕ посочуваат дека утврдените цени се максимални, а трговците можат да определат и пониски малопродажни цени за одделни нафтени деривати и горива.