После неколку месеци, пратениците во Собранието денеска се вратија во старата сала „Македонија“ во парламентот.
Поради коронавирусот и протоколите, пратениците ги одржуваа седниците во Големата сала, под куполата во Собранието, каде што имаше и дистанца.
Враќањето доаѓа по вакцинација на пратениците и после намалувањето на бројките на новозаразени со коронавирусот.
Во изминатите месеци имаше и отсуства на пратеници поради зараза со коронавирусот, а една седница беше одржана со присуство на позитивни пратеници кои гласаа од посебна просторија и беа спроведени под посебни протоколи во Собранието.