Многу рано ја загуби мајка си како последица од рак на дојка. Затоа, Лиридона Беќири ги повикува сите жени да не ги изоставуваат редовите прегледи.
И лекарите апелираат за почести контроли.
-Правете прегледи вие, а и вашите мајки, бидејќи тие се исклучително интересна категорија, кои за да не им предизвикуваат проблем на децата, на семејството, на блиските се запоставуваат себеси. Треба редовно да се прегледувате и вие, и тие, вели лекарот Неџати Јакупи.
Кампањата против ракот на дојка е во организација на општина Чаир во соработка со Здружението „Езра“
-Се собравме за да ја подигнеме свеста на сите, и на жените, и на мажите дека занемарувањето и изоставувањето на прегледи може да нѐ однесат само на еден пат – пат од кој нема назад, рече градоначалникот на Чаир, Висар Ганиу.
По настанот, жените кои присуствуваа имаа можност бесплатно да се консултираат со лекарите околу болеста рак на дојка.