Полициска акција во Гостивар заврши со приведување на 48-годишен жител, откако при негов преглед и последователен претрес во неговиот дом биле пронајдени наркотични материи и дигитална вага.
Како што информираат од полицијата, на 1 ноември 2026 година, околу 00:40 часот, полициски службеници од ОВР Гостивар го лишиле од слобода С.Ј. (48) од Гостивар.
При прегледот кај него биле пронајдени и одземени бела прашкаста материја и марихуана.
По приведувањето, со судска наредба бил извршен претрес во неговиот дом и помошните простории. При претресот биле пронајдени и одземени дополнителна марихуана и дигитална вага.
Од МВР информираат дека по целосното документирање на случајот против лицето ќе биде поднесена соодветна пријава.