Државната изборна комисија ги доби првите 200 уреди за биометриска идентификација на гласачите што ќе се користат на локалните избори.
Првиот човек на ДИК, Александар Даштевски, најави дека во следните 45 дена обуката на членовите на избирачките совети ќе се врши со овие уреди. Другите ќе пристигнат во следниот период.
Се очекуваат вкупно 4.000 уреди, вклучувајќи и софтвер. Германската компанија „Дермалог“ со која ДИК потпиша договор вреден 11 милиони евра, покрај распределбата на терминали за читање отпечатоци од прсти, ќе се грижи за системот за нивно работење и одржување во следните четири години или четири изборни циклуси.