Вчеравечер во скопско Визбегово, припадници на Единицата за интервентна полиција при СВР Скопје го привеле С.Ш.(29) од Скопје, Претходно, во Центарот за азил во Визбегово, тој агресивно се однесувал и се заканувал со остар предмет на едно женско лице, по што со такси возило го напуштил местото, соопштија од МВР.
„Набргу, по преземени мерки, возилото е запрено, лицето е лишено од слобода и кај него е пронајден и одземен нож. При преземање мерки и проверка во оперативната евиденција било констатирано дека С.Ш. бил баран со судска наредба за доиздржување затворска казна од седум години и еден месец“, се вели во соопштението.
Приведениот било спроведен во КПУ Затвор Идризово за доиздржување на казната.