Полициски службеници од ОВР Виница, во текот на вчерашниот ден го лишиле од слобода Г.И.(49) од Виница, поради постоење основи на сомнение за сторени кривични дела „неовластено производство и пуштање во промет на наркотични дроги, психотропни супстанции и прекурсори“ и „овозможување на употреба наркотични дроги, психотропни супстанци и прекурсори“, информира Министерството за внатрешни работи.
– При претрес во неговиот дом во Виница, извршен со судска наредба, биле пронајдени и одземени марихуана, прашкаста материја, дигитална вага, медицински игли, шприцеви и други предмети, соопшти МВР.
Лицето е задржано во полициска станица и по целосно документирање на случајот против него ќе биде поднесена соодветна кривична пријава.