По се изгледа во завршницата на ЕУРО 2020 во Лондон, ќе има само англиски навивачи. Протоколите велат дека сите што доаѓаат од странство во Велика Британија ќе мора да минат 10-дневен карантин.
Англија не сакаше да ги смени овие правила, па така веројатно навивачите на Данска, Италија и на Шпанија нема да можат да патуваат во Лондон.
Затоа се почести се повиците од данските државјани кои живеат на територија на Британија, да набават билети и да одат да ја бодрат селекцијата.
Останува да се види дали нешто ќе се смени во текот на денешниот ден. Утре играат Италија – Шпанија, а во среда ќе се сретнат Англија – Данска.