За градоначалникот на Тетово Биљал Касами е болно прашањето за продажба на „Монополот“, а има и такви, меѓу кои ги спомна фабриката „Тетекс“, „Шик Јелак“, и „Интерпромет“, кои со владина одлука се продале по симболична цена. За „Монопол“, Касами вели дека процесот на приватизација завршил во 2014 година и не можел да го спречи.
„Тука ги имам решенијата за приватизација на стотина хектари земјиште, каде што голем дел се префрлаат на колективни станбени простори, а во рамките на ова, кога целиот овој процес се одвиваше во рамки на приватизацијата, делот што не е реализиран преку приватизација остана со формирање на имотот, што е законска обврска, исто така врз основа на регулативата одобрена многу порано од претходната влада многу порано за што општина Тетово немаше можност да постапи поинаку“, вели Биљал Касами.
Градоначалникот на Тетово призна дека со одлука на советот на општината земјиштето е пренаменето од За лесна индустрија во станбена зона.
„Првично започна новиот процес на оформување на земјиштето врз основа на претходната ознака за индустрија, а другиот процес беше процесот на планот за пренамена на тој имот, така што има два процеса што се право на секој граѓанин, процеси кои не можеме да ги запреме во овој случај, дури и да не беше пренаменет за домување, не можевме да го запреме првиот процес заснован на приватизација каде поголемиот дел од имотот бил приватен врз основа на приватизацијата“, вели Биљал Касами.
Инаку, на оваа локација сега се планира да се градат станбени згради, поточно многукатници, иако кога се приватизираше земјиштето беше дозволено да се користи само за лесна индустрија.