Прскање против комарци во Скопје – ТВ21 во авион за да ја следи дезинфекцијата во метрополата

Во раните утрински часови се правеа последните подготовки во хангарот на спортскиот аеродром во Скопје. Авионите се подготвени да полетаат.
Два авиона ќе вршат дезинфекција против комарци.
Потоа следи и препаратот против комарци.
Препаратот треба да се измеша со вода, литар препарат со 4 литра вода.
Се е подготвено и се чека да изгрее сонцето. Новинарите ќе го следат летот со друг спортски авион. Се палат моторите и авионите полетуваат кон чистото небо над Скопје.
Дезинфекцијата за комарци се прави рано наутро со изгревањето на сонцето, кога, според експертите, е најдобро време бидејќи комарците се гладни и бараат храна. Според експертите овој препарат е меѓу најдобрите на пазарот. Дезинфекцијата ќе продолжи и утре а се апелира пчеларите да внимаваат и да ги заштитат пчелите за време на прскањето.