Qytetarët besojnë në Policinë e vendit

Qendra Kosovare për Studime të Sigurisë (QKSS) sot më 22 Korrik 2015, ka prezantuar të dhënat e anketës me titull “Perceptimi i Qytetarëve lidhur me Besueshmërinë dhe Integritetin në Policinë e Kosovës”.
Qytetarët janë pyetur rreth besueshmërisë në institucionet politike, zbatimit të ligjit në vend, kërcënimet dhe rreziqet të cilat i kanosen vendit, përhapja e korrupsionit në institucionet e Kosovës, specifikisht institucionet e zbatimit të ligjit, si dhe mendimet e qytetarëve lidhur me përformancën dhe efikasitetin e Polisë së Kosovës në ofrimin e sigurisë, luftimin e krimit dhe korrupsionit në Kosovë. Sondazhi është realizuar gjatë muajit Qershor dhe Korrik 2015, me 1221 respondentë në mbarë territorin e Kosovës.
Sipas anketës, qytetarët e Kosovës kanë renditur Policinë e Kosovës si më të besuarën në vend, me 56 %, e pasuar nga sistemi i edukimit me 55 %, mediat me 41 % dhe organizatat e jo-qeveritare me 38 %. Institucionet më pak të besueshme janë shfaqur Prokuroria me 24 %, Sistemi i Drejtësisë me 27 %, etj. Qytetarët janë pyetur edhe rreth përceptimit të tyre për një zyrtar të zakonshëm policor ku 29% e respodentëve e tyre e vlerësuan zyrtarin policor, si person i kulturuar dhe i sjellshëm, ndërsa rreth 24% e tyre vlerësuan zyrtarin policor si zbatues dhe mbrojtës i ligjit, i pasuar 18% të cilët i vlerësuan zyrtarët policor si persona të korruptuar dhe jo-profesional. Ndërsa, rreth pyetjes se a e konsideroni se niveli politik ka ndikim në punët operacionale të Policisë së Kosovës, 36 % e qytetarëve mendojnë se niveli politik ka shumë ndikim, i pasuar me 40 % të qytetarëve të cilët vlerësojnë se ndikimi politik është prezent deri në një masë në punët operacionale të policisë, si dhe 15% e qytetarëve vlerësuan se ndikimi politik është prezent në masë të vogël në punën operacionale të Policisë së Kosovës.
Qytetarët kanë dhënë përceptimet e tyrë për institucionet më të korruptuara si dhe institucionet më pak të korruptuara. Si institucionet më të korruptuara i vlerësuan Inspektoratet e tregut dhe punës me 61 %, i pasuar nga sistemi i drejtësisë me 62 %, si dhe niveli komunal me 28%, doganat me 57 %, kurse institucionet më pak të korruptuara vlerësuan OJQ-të me 42%, mediat me 47 % dhe Policia e Kosovës me 53%. Format më të shpeshta të korrupsionit në të cilat është e involvuar Policia e Kosovës qytetarët vlerësuan marrjen e ryshfetit nga qytetarët me 45% e rasteve, e pasuar me nxjerrjen e dokumenteve nëpërmjet lidhjeve familjare me 13%, shitje të informacionit konfidencial nga ana e zyrtarëve policor me 7%, si dhe vjedhje gjatë hetimeve të policisë me 4%. Tek marrja e mitos, nga zyrtarët policor, 46 % e rasteve ishte bërë pasi qe zyrtari policor kishte kërkuar mito nga qytetarët, kurse 47 % e rasteve ishin qytetarët të parët ata të cilët ofruan mito tek zyrtarët policor.
Respondentet vlerësuan edhe rolin e Bashkimit Evropian si shumë të rëndësishëm në luftën kundër korrupsionit. Respondentët janë pyetur se në çfarë mënyrë BE mund të ndihmoj në luftën kundër korrupsionit në Kosovë, 28 % e respondentëve menduan se BE duhet të ushtroj presion ndaj Qeverisë në luftën kundër korrupsionit, dhe të kushtëzohet mbëshetetja finaciare e BE-së për Kosovën, me rezultate konkrete në luftën kundër korrupsionit.