Македонската ракометна репрезентација ќе игра на идното Европско првенство кое во јануари идната година ќе се одржи во Данска, Норвешка и Шведска.
На Македонија и требаше победа против Литванија со повеќе од два гола, а го доби мечот со +9 (26-17) за нов пласман меѓу најдобрите европски селекции.
Вечерва во салата Јане Сандански, Литванија имаше сила само за едно полувреме, откако добро парираше, а на пауза се замина само со +2 гола предност (13-11).
Меѓутоа во вториот дел целосна доминација на избраниците на Кире Лазаров, кои само ја зголемуваа разликата за на крајот да дојдат до убедлив триумф.