За неговите постапки, во 2019 година се извинуваше.
„Значи уште еднаш до небо извинување“
Денеска, без извинувања, но со оставка по едно патување во Мексико, набавка на софтвер и луксузен џип, патент и хациенда од 800 квадрати.
„Кога политиката (политиканството) ќе станат погласни од природните науки, тогаш работната атмосфера станува непогодна за некој кој е научен во се да ја бара логиката“, вели Драги Рашковски.
Пред две години премиерот не побара негова оставка.
„Не можете некој да го правите салата некој кога сакате и како сакате како физичко лице“, истакна Зоран Заев.
Но денес, ја прифаќа.
„Ве известуваме дека премиерот Зоран Заев ја прифати оставката на Рашковски“, порача Душко Арсовски.
Рашковски е поранешен генерален секретар, а сега веќе и поранешен секретар за мониторинг и поддршка. Неколку пати во својот мандат ја обвинуваше опозицијата.
„Некој позицијата генерален секретар за друг тип документичиња, а не за заклучоци на Влада и не за активности кои што се во рамките на неговите надлежности кои се пропишани со закон“, истакна Драги Рашковски.
„Тоа не значи дека и секој може да биде боксерска вреќа и кога тоа заслужува или не“, додава Зоран Заев.
А дали заслужувал, ќе треба да покаже Обвинителството и Антикорупциска кои веќе имаат отворено предмети.