Излезноста на предвремените парламентарни избори во Србија до 18 часот достигна 64,89 отсто, соопшти Републичката изборна комисија (РИК) на прес-конференција.
Претседателот на РИК, Владимир Димитријевиќ, изјави дека гласањето на повеќето избирачки места се одвива уредно, иако се забележани неколку помали неправилности.
Тој посочи дека гласањето постепено се приведува кон крајот и дека избирачките места ќе останат отворени до 20 часот. Сепак, доколку во тој момент има избирачи кои сè уште чекаат да гласаат, гласањето ќе продолжи и по официјалното затворање.