Деталите за потенцијалниот договор меѓу САД и Иран почнуваат да излегуваат на виделина.
Продолжување на прекинот на огнот за 60 дена и повторно отворање на Ормускиот Теснец се меѓу точките за кои се верува дека се вклучени во договорот, според американскиот медиум „Аксиос“ (Axios). Сè уште нема потврдено официјален договор. Иранските медиуми јавуваат дека сè уште постојат „една или две“ точки на несогласување во потенцијалниот договор.
Американскиот државен секретар Марко Рубио, говорејќи претходно на прес-конференција во Њу Делхи, изјави дека е постигнат „значителен“, но „не и конечен“ напредок. Рубио исто така навести дека подоцна во текот на денот би можеле да слушнеме уште едно соопштение од американскиот претседател Доналд Трамп. Ова доаѓа откако Трамп синоќа изјави се дека договорот со Иран е „во голема мера договорен“.
Американскиот претседател рече дека Ормускиот Теснец ќе биде вклучен во потенцијалниот договор, но не соопшти повеќе детали. Полуофицијалната иранска новинска агенција „Тасним“ наведува дека според нацрт-условите од преговорите меѓу САД и Иран, Ормускиот Теснец „нема да се врати“ во предвоениот статус, но додава дека сообраќајот на бродови ќе се врати на претходното ниво.
Денеска сè уште не сме слушнале ништо директно од американскиот претседател Доналд Трамп или од иранското раководство. Говорејќи на прес-конференција во Њу Делхи малку порано, американскиот државен секретар Марко Рубио се осврна на најновите случувања во војната во Иран.
Еве што беше кажано:
- Рубио изјави дека е постигнат „значителен напредок“ за потенцијалниот договор со Иран, но „не и конечен напредок“.
- Тој го повтори ставот на САД дека „Иран никогаш не смее да поседува нуклеарно оружје“, нарекувајќи ја „апсурдна“ идејата дека Доналд Трамп би се согласил на тоа.
- Тој навести добри вести за Ормускиот Теснец, велејќи дека напредокот во последните 48 часа – доколку успее – би можел да резултира со „целосно отворен теснец… без такси“.
- Сепак, Рубио додаде дека сè уште има „работа за бркање“, посочувајќи дека ќе му препушти на Трамп да ги објави следните соопштенија, кои би можеле да пристигнат и во текот на денешниот ден.
Следното прашање беше од Том Бејтмен од Би-Би-Си (BBC), кој праша за проверка на извештаите за бројот на училишта што се оштетени во Иран од избувнувањето на војната на 28 февруари.
Рубио изјави дека „нема да зборува за воената тактика, едноставно затоа што тоа не е во неговиот ресор“.
Тој нагласи дека целите на САД биле „многу јасни“, а тоа се: уништување на иранската морнарица, елиминирање на нивната способност за лансирање балистички ракети и нанесување штета на нивната „одбранбена индустриска база“.
„Тоа беа целите на операцијата ‘Епски бес’ (Epic Fury), и тие цели се постигнати“, изјави тој.