Обвинителката Вилма Русковска, на денешното рочиште за судењето на оргнаизаторите на 27 април, во воведните зборови го спомена и некогашниот премиер Никола Груевски, за кој, според неа, е еден од организаторите, но кога требало да се соочи со правда, избегал.
„Ќе ги видите пораките кој тој ден биле испраќани до членовите на ВМРО-ДПМНЕ. Несомнено знаеме кои луѓе ги отворија вратите на Собранието, но исто тка знаеме дека вратите ги отворија затоа што така им беше кажано од обвинетите кои се пред вас, но и од нивниот лидер Груевски кој толку многу сакаше да се соочи со народот на избори, но кога требаше да се соочи со правдата, најкукавички избега“, рече Русковска.