Претседателот на Украина, Володомир Зеленски изјави дека Украина го утврдила форматот на соработка со Европската Унија, со цел деблокирање на пакетот помош и продолжување на рестриктивните мерки против Русија.
Во обраќање Зеленски изјави дека со дипломатите разговарал за активностите за април и почетокот на мај, како и за подготовката на одлуките во врска со пакетот за поддршка на Украина, отворањето на преговарачките кластери со Унијата и санкциите против Русија, пренесува Укринформ.
„Гледаме дека се можни правилни промени во европската политика и дека е потребно да се подготват соодветни одлуки, како за пакетот за поддршка на Украина, така и за отворањето на кластерот, како и за санкциите против Русија“, рече Зеленски.
„Отсуството на нови санкции ги деморализира бранителите на обединета Европа и ја охрабрува Русија да продолжи со својата војна и агресивна политика“, изјави украинскиот претседател.
Зеленски истакна дека Украина ќе продолжи конструктивно да соработува со своите партнери и со Европската Унија како целина, со очекување дека другата страна ќе покаже ист пристап.