Заменик државниот секретар Венди Шерман денеска се сретна со министерот за надворешни работи на Литванија, Габриелус Ландсбергис, при што се потврдија силните одбранбени и економски врски како и заложбата за промоција на демократијата и човековите права во трансатлантскиот регион и низ целиот свет, јавија од Стејт департментот.
-Двајцата лидери ги поздравија напорите за засилување на нашите и онака силни економски врски со потпишувањето на 23 ноември на Меморандум за разбирање меѓу Експорт-импорт банка на САД и Владата на Литванија, со што ќе се продлабочат врските меѓу американските и литванските бисниси, се вели во соопштението.
Заменик секретарката исто така ја истакнала челичната солидарност со Литванија, сојузник на САД во НАТО и ЕУ, „во време на геополитички предизвици за регионалнаат стабилност, безбедност и економски развој“.
-Двајцата лидери изразија загриженост поради необичните воени активности на Русија на границата со Украина и агресивната реторика и ја повикаа Русија да деескалира со тензиите.
Државниот секретар му за заблагодари на Ландсбергис за лидерството на Литванија во поддршката на демократското движење во Белорусија и го повика режимот на Лукашенко на итно запирање на насилниите репресии врз белоруското граѓанско општество и запирање на кампањата на оркестрирани нерегуларни мигрантски движења преку границата со Литванија, Полска и Латвија.
Шерман го поздрави учеството на Ландсбергис на американско-литванскиот индопацифички дијалог и изрази поддршка за плановите на Литванија да ги прошири врските со демократиите од индопацифичкиот регион.