Очекуваните американски напади врз Иран започнаа.
Централната команда на САД (CENTCOM) издаде соопштение на социјалните мрежи во кое се вели дека операцијата се спроведува по налог на претседателот Доналд Трамп. Во соопштението се додава дека целта на нападите е „понатамошно деградирање на способноста на Иран да ја загрози слободата на пловидба низ Ормутскиот теснец“.
Нападите следеа по извештаите на иранските медиуми за експлозии на југот од земјата, во Бандар Абас и Сирик, претходно вечерва.
Доналд Трамп денес на самитот на НАТО во Турција изјави дека САД повторно ќе го нападнат Иран по нападите извршени претходната ноќ. И синоќешниот и вечервашниот напад се одговор на иранските напади врз три трговски брода што пловеа низ Ормутскиот теснец оваа недела.
Тоа се танкерот M/T Al Rekayat под знамето на Маршалските Острови, танкерот M/T Wedyan под саудиското знаме и бродот M/T Cyprus Prosperity под либериското знаме.