Планинарството почна се повеќе да им се допаѓа на граѓаните и туристите, но не секој знае за условите и опасностите во планините. Годинава во охридскиот регион имало три тешки случаи на интервенција, додека во текот на зимата имало околу 30 повици за интервенција.
Службата за планинарско спасување на Охрид опфаќа 5 општини. Упатуваат повик до планинарите да бидат внимателни и да не одат на планинарење во делови кои не ги знаат и за сите проблеми да се јават на бројот 112.
Од планинарска спасувачка служба велат дека веќе се снабдени со опрема за спасување, и ресурси за сложени операции кои може да се случат во овој регион. Апелираат алпинистите да носат со себе доволно храна, телефон со полна батерија и да ги почитуваат правилата на планината.