Седум пратеници „за“, не помина ни интерпелацијата за Стоилковиќ!

Вечерва во Собранието се гласаше за интерпелацијата на вицепремиерот и министер за Односи меѓу заедниците, Иван Стоилковиќ.

Сепак, ни оваа интерпелација не помина бидејќи само 7 пратеници гласаа за, додека 52 се против.

Одговорност за работата за спроведување на Рамковниот договор поради неспособноста и неговиот пораз во унапредувањето на меѓуетничките односи, побара вечерва коалицијата „Европски фронт“.

Интерпелацијата ја образложи пратеничката Дијана Тоска од коалицијата „Европски фронт“, која рече дека интерпелацијата се однесува и за третирањето на односите и случките кои, како што рече,  ја ставиле во опасност состојбата и безбедноста на државата.