Годинава сексуалните работници наместо традионалниот марш, ќе одржат перформанс во Универзалната сала, кој ќе се случи вечерва. Годинашнава кампања е насловена како „Ние“, и предводена од Граѓанската иницијатива за заштита, промоција и унапредување на правата на сексуалните работници „Стар-Стар“.
На тој начин денеска ќе се одбележи Меѓународниот ден за СТОП на насилството врз сексуалните работници.
Поради пандемијата од коронавирус, традиционалниот марш ќе изостане, и ќе биде изведен во Универзалната сала, а наместо црвени чадори, ќе се носат црвени фенери.
Перформансот кој ќе трае три часа, е најавен за почеток во 18 часот.
Преносот ќе може да се следи на Фејсбук страната на СТАР – Прв колектив на сексуални работници на Балканот и на партнерите ХОПС – Опции за здрав живот Скопје и Коалиција МАРГИНИ.