Во фокусот на потрагата по телото на Данка Илиќ и денеска, како и вчера, е селото Злот, поточно околината, атарите, но и шумските и ридските предели околу селото.
Припадници на Управата за криминалистичка полиција (УКП) од Белград и Бор, како и полициски службеници од СВР Бор вршат увид во околината на куќата на еден од осомничените, испразнет е и претресен резервоарот за вода, како и коритото на блискиот поток. Зад потокот има уште три акумулации или бунари, денеска се работи на тие локации, соопшти МУП.
Извршен е увид на старите гробишта и околината на новите гробишта во село Злот.
Медиумите јавуваат дека погребот на братот на осомничениот сепак ќе биде утре.
Информациите се даваат на лажица, а отежнувачка околност е тоа што претресот се врши на простор кој е под шума и е непристапен.
Двајцата осомничени за убиството на Данка Илиќ се уште не ги откриваат информациите каде го преместиле телото, не сакаат да соработуваат, ниту пак сакаат да кажат каде на крајот го оставиле.
Пред куќата на осомничениот Д.Д. се уште е полиција, тие ја чуваат куќата и се надвор од капијата.
Да потсетиме, Данка Илиќ беше убиена на 26 март, кога незабележано излегла од дворот на имотот во Бањско поле, каде била со нејзината мајка и брат. Засега, барем според официјалните информации, не е пронајдена никаква трага.