SHBA përgëzon qytetarët shqiptarë për votim paqësor

Shtetet e Bashkuara përgëzojnë qytetarët e Shqipërisë për ushtrimin paqësisht të së drejtës së tyre demokratike për të votuar në zgjedhjet vendore më 21 qershor 2015.
Numërimi i votave vazhdon dhe Ambasada amerikane në Tiranë iu bën thirrje institucioneve demokratike të sigurojnë certifikimin e shpejtë dhe tërësor të rezultateve.
“Votimi ditën e zgjedhjeve nuk pati incidente madhore apo akte dhune. Ne i bëjmë jehonë gjetjeve paraprake të OSBE/ODIHR për zgjedhjet vendore dhe ndajmë shqetësimet e tyre për blerjen e votave, pretendimet për presione mbi votuesit, institucionet e politizuara zgjedhore dhe parregullsi të tjera. Nxisim qeverinë dhe partitë politike të punojnë për t’i trajtuar këto gjetje dhe rekomandimet e tjera të ODIHR”, thuhet në deklaratën e Ambasadës Amerikane në Tiranë.
Nga zgjedhjet e 21 qershorit, në Shqipëri duket se koalicioni i të majtëve ka arritur të merr shumicën e bashkive nga numërimi i votave deri më tani.