Министерката за одбрана Радмила Шекеринска, на својот „Фејсбук“ профил напиша дека имала разговор со словенечкиот министер за одбрана Матеј Тонин, и добила одговор дека Словенија ги става на располагање сите капацитети за гасењето на пожарите во Македонија.
„Штотуку разговарав со словенечкиот министер за одбрана Матеј Тонин – Словенија ги става на располагање сите свои капацитети за гасење на пожарите кај нас. Веќе започна комуникацијата помеѓу институциите. Благодарност до нашите пријатели и сојузници во НАТО. Благодарам Матеј!“, напиша Шекеринска.