Неверојатна сцена од Грција ги шокираше граѓаните на Атина, но и сите корисници на Фејсбук, каде беше објавена слика од „африканска прашина“. Имено, Атанасиос Цицарас снимил необична сцена, небото е целосно портокалово, а од прашината е создадена магла од која речиси ништо не се гледа.
– Африканска прашина, а не филтер! Блејд Ранер во Атина! Вака би изгледала Атина на Марс – напиша Атанасиос Цицарас.
Во коментарите под објавата на Фејсбук групата „Грција во живо“, луѓето дури прикачуваа и слики од нивните возила, на кои се гледа дебелиот слој прашина што напаѓа.
Таканаречената „африканска прашина“ не е само необична појава во воздухот, туку и многу штетна за здравјето.
Експертите во Грција предупредија дека африканската прашина, која влијае на атмосферата, е токсична и штетна по здравјето на луѓето.
Африканската прашина содржи ситни честички кои се комбинираат со полен, бактерии и габи, создавајќи токсична смеса која е штетна за здравјето на луѓето, особено за респираторниот систем.