Силен земјотрес утрово околу 4 часот и 6 минути ги разбуди граѓаните на Босна и Херцеговина и Црна Гора.
Земјотресот траел неколку секунди.
Според податоците на ЕМСЦ, епицентарот бил на 22 километри североисточно од Билеќа. Земјотресот е почувствуван во Сараево, Бања Лука, Зеница и други градови.
Корисниците на уредите со Android добија предупредување за земјотрес со јачина од 5,7 степени според Рихтеровата скала.
Американскиот сеизмолошки центар потоа измери 5,4 степени.
#Earthquake (#zemljotres) possibly felt 7 sec ago in #Bosnia&Herzegovina (detected from @SismoDetector). Felt it? Tell us via:
— EMSC (@LastQuake) March 14, 2024
📱https://t.co/IbUfG7TFOL
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. pic.twitter.com/GOyOFq2hxW
Според сведоштвата на граѓаните, земјотресот траел речиси десет секунди, а потоа во два брана. Епицентарот на земјотресот бил во близина на границата на БиХ и Црна Гора, на длабочина од 7,6 километри.
Граѓани од повеќе градови известуваат дека почувствувале силно тресење на земјата. Засега нема информации за штети, а повеќе ќе се знае претпладне.
Земјотресите над 5 степени според Рихтеровата скала се сметаат за умерени и предизвикуваат оштетувања на послабите објекти во руралните региони, можни помали оштетувања на модерните згради. Потоа следеа уште два земјотреси, но со помал интензитет – околу три степени според Рихтеровата скала.