Земјотрес со интензитет од 6,7 степени според Рихтеровата скала го погоди индонезискиот остров Сулавеси во вторник, соопштија Американскиот геолошки завод (USGS) и Германскиот истражувачки центар за геолошки науки (GFZ).
Земјотресот се случил во 5:27 часот наутро по централноевропско време, на релативно мала длабочина од 10 километри во близина на градот Палу во централен Сулавеси. Нема веднаш извештаи за штети или повредени. Не е издадено предупредување за цунами.
Сулавеси, сместен помеѓу Борнео и Папуа Нова Гвинеја , е еден од поголемите острови во Индонезија, земја од Југоисточна Азија составена од повеќе од 17.000 острови.
Индонезија се наоѓа на Тихоокеанскиот огнен прстен, геолошки најактивната зона во светот, каде што редовно се случуваат земјотреси и вулкански ерупции. Во 2018 година, 2.200 луѓе загинаа во Палу во земјотрес со јачина од 7,5 степени, проследен со цунами.