Носителката на листата од изборната единица 1 од ВМРО-ДПМНЕ, Гордана Силјановска Давкова на популарната мрежа „ТикТок“ го постави своето прво видео во кое разговара за сексот и привлечноста на непослушните, односно познато кажано мангупите.
„Им велам на студентите дека сексот е многу интелектуална работа, дека ако немате во умот креација, дека ако не си го сакате сопственото тело, ако не сте креативни, ќе бидете досадни, можеби и затоа понекогаш, на една возраст, не ве привлекуваат тие со петките, туку непослушните, или мангупите“, истакнува Силјановска Давкова.
Видеото досега има 51,7 илјади прегледи.