Во близина на музејот Дренц во холандскиот град Асен дошло до експлозија која може да се поврзе со обид за грабеж, соопштија утрово властите.
Властите се уште не потврдиле дали нешто е украдено, пишува NL Times.
Експлозијата се случила утрово околу 3 часот и 45 минути и во таа прилика биле оштетени неколку згради.
Полицијата, која сè уште не уапсила ниту еден осомничен, и повика сите оние кои виделе нешто, да пријават во најблиската станица.
Полицијата ја пребара областа по експлозијата, собирајќи докази и барајќи индиции.
Не е јасно дали еден или повеќе сторители учествувале во инцидентот.
Музејот Дренц моментално организира голема археолошка изложба насловена „Dacia – Rijk van goud en zilver“ (Дачија – Кралство на златото и среброто).
На изложбата се претставени повеќе од 50 златни и сребрени богатства од античкото кралство Дачија, кое се наоѓало на територијата на денешна Романија, а кои датираат од 20 век п.н.е. до 3 век од нашата ера.
Explosie en mogelijke inbraak bij Drents Museum in Assen /via @NOS https://t.co/QiWMNUw7eO
— Rolf Oldejans (@Rolf_Oldejans) January 25, 2025