Словачките опозициски партии Словачка и Христијанската унија (КУ) денеска добиле закани со бомби врз нивните штабови, објавија партиите.
„Словачката партија во понеделникот доби заканувачки мејл. Непознат испраќач и се заканувал дека ќе и го бомбардира штабот. Партијата веќе го пријавила мејлот во полиција“, изјави портпаролот Матус Бистријански.
Функционерката на КУ, Катарина Полачкова, рече дека партијата добила е-пошта во која пишува дека некој ќе активира бомба пред седиштето на партијата.
Претходно денеска словачките медиуми објавија дека Установата за социјално осигурување (СП) ги затворила сите свои филијали поради закана за бомба.
Портпаролот на СП Мартин Контур изјави дека се извршени проверки во соработка со полицијата и дека филијалите се повторно отворени, пренесува ТАСР.
„Во понеделникот наутро, СП доби дојава за закана со бомба во своите филијали. Во соработка со полициски службеници, ги истраживме овие закани и потоа, експозитурите на СП беа повторно отворени и достапни за граѓаните “, рече Контур.