Парламентот во Словенија ги одобри измените во законот за здравствена заштита, според кој лекарите во државните болници ќе немаат право на паралелна приватна пракса.
Предлогото за одвојување на јавното и приватното здравство беше изгласан со 45 гласа „за“ и 26 „против“.
Министерката за здравство Валендина Преволник Рупел, во обраќањето пред парлаемнтот, истакна дека владиниот предлог јасно ја дефинира јавната и приватната пракса и ги регулира можностите за префрлување од еден сектор во друг. Според неа, ќе се отворат нови можности за наградување на здравствените работници и вработените во државните болници за дополнителна работа.
Лекарските организации во Словенија се противеа на измените на овој закон.