Случај на сомнително малтретирање на дете е пријавен на 9 јуни 2026 година во СВР Тетово.
Според информациите, околу 14:15 часот на улицата „Илирија“ во Тетово, една жена се сомничи дека извршила физичко насилство врз своето дете на возраст од три до четири години.
Како што се наведува, по реакција на случајни минувачи кои интервенирале за да го заштитат детето, жената го оставила малолетникот на улица и се оддалечила со количка во која се наоѓало друго малолетно дете.
За случајот се известени јавен обвинител и Центарот за социјални работи во Тетово. Надлежните институции преземаат мерки за идентификација на осомничената и целосно расчистување на настанот.
Детето, по укажаната медицинска помош, е предадено на Центарот за социјални работи во Тетово за понатамошна заштита и згрижување.