Министерот за внатрешни работи, Оливер Спасовски, не откри детали како марихуаната завршила во скопско Арачиново.
Тој изјави дека се бара притвор за 8 – те приведени лица. Спасовски не одговори на неколку новинарски прашања, бидејќи рече дека моментално истрагата трае и дека одговорите можат да ја поткопат истрагата.
Спасовски не откри како осомничените успеале да ја транспортираат марихуаната 137 километри без да бидат фатени.
Во текот на вчерашниот ден се приведени 6 лица, а денеска уште 2 се осомничени. Истрагата за целосно расчистување на случајот се уште трае.