Министерот за внатрешни работи Оливер Спасовски денеска на Facebook напиша дека дел од пожарите во земјава се подметнати или се предизвикани од невнимание на одредени луѓе и токму поради тоа мора да имаме посериозна одговорност.
– Досега МВР има приведено 17 лица, повикани во полициска станица се 16 лица, имаме поднесено три кривични пријави и две прекршочни. Сè уште се работи на добар дел од овие случаи и штом ќе заврши со целата постапка ќе се поднесат соодветни поднесоци, напиша Спасовски.
Постапката, како што се наведува, се води во координација со Јавен обвинител и од таму се добиваат насоките во однос на квалификација на кривичното дело.