Селекторот на македонската фудбалска репрезентација, Благоја Милевски го објави списокот со повикани фудбалери за квалификацискиот натпревар за ЕП 2024 против Украина во Прага и контролниот меч против Ерменија во Струмица.
Благоја Милевски за овие натпревари нема да смета на напаѓачите Илија Несторовски и Доријан Бабунски , туку на нивните места ќе бидат Ваљон Етеми и Дарко Чурлинов. Милевски рече дека очекува отворен натпревар со Украина.
