Србија до овој момент вакцинираше 39.000 странски државјани

ПОСЛЕДНИ ВЕСТИ

Досега Србија вакцинираше 39 илјади граѓани, најмногу од БИХ, Македонија и Црна Гора. Ова го изјави директорот на владината Канцеларија за е-Управа, Михаило Јовановиќ, но не потенцираше колку точно граѓани на нашата земја се вакцинирале во Србија.

„До овој момент вакцинирани се 39 илјади странци“, изјави Јовановиќ за РТС.

Тој потсети дека од денеска почнува нов вид на вакцинирање на граѓаните на Србија, со оглед дека локалните самоуправи организираат пунктови за имунизација, на кои луѓето ќе можат да одат без претходна најава.

Српската премиерка Ана Брнабиќ вчера најави дека ќе сопре вакцинирањето на странски државјани.

Во Србија досега втората вакцина ја примиле 1.129.000 лица.