На утрешните предвремени парламентарни избори во Србија, околу 6,45 милиони граѓани имаат право на глас за избор на новиот состав на Собранието. Во трката учествуваат 18 изборни листи за вкупно 250 пратенички места.
Гласањето ќе се одвива на 8.392 избирачки места, од кои 93 се во странство.
Во изборната трка учествуваат неколку политички сили, меѓу кои како фаворити се истакнуваат листата на владејачката коалиција предводена од Александар Вучиќ и студентската листа „Студентите победуваат“.
Анкетите даваат различни процени, а излезноста и гласовите на неопределените гласачи би можеле да влијаат врз конечниот резултат.