Македонија има за цел да воспостави нова динамика во реформите за европска интеграција, со посебен фокус на правосудниот систем. Министерот за правда, Јетон Шасивари, оствари средба со амбасадорот и шеф на Делегацијата на Европската Унија во земјава, Михалис Рокас.
На средбата се разговараше за спроведувањето на реформите во правосудството, владеењето на правото и исполнувањето на обврските од Реформската агенда и Кластерот „Темелни вредности“.
Шасивари истакнал дека Министерството останува посветено на спроведувањето на препораките на Европската комисија, а беше оценета позитивно и поддршката од Европската Унија преку ИПА-проектите за зајакнување и дигитализација на судскиот систем.
Двете страни ја потврдија определбата за продолжување на соработката во насока на унапредување на реформите согласно европските стандарди.