Генералниот секретар на НАТО, Јенс Столтенберг нагласи дека оваа организација мора да ги намали своите „воени емисии“ на штетни гасови и да придинесе во глобалните напори во борбата против климатските промени.
Столтенберг, поздравувајќи го американскиот пратеник за климатски промени, Џон Кери во Брисел, истакна дека климатските промени негативно влијаат врз светската безбедност и изрази задоволство што ќе соработува со официјалниот претставник на САД.
– Се согласуваме дека климатските промени го прават светот понесигурен, па НАТО мора да ја зголеми својата улога во борбата против нив, вклучувајќи и намалување на воените емисии. Се радувам за блиската соработка со Кери, напиша генералниот секретар на Алијансата на Твитер.