Сведокот Николовска со конфузна изјава во „Монструм“ – вештакот го фалсификувал вештачењето?

ПОСЛЕДНИ ВЕСТИ

Пендаровски со честитка до Бајден: САД е нашиот стратешки партнер

Претседателот Стево Пендаровски денеска на својот фејсбук профил упати честитка до новоизбраниот американски претседател Џо Бајден.Според претседателот, САД е...

Пописот, мета за нишанење во политиката, и власта и опозицијата со апел за разумност

Пописот на населението е статистички процес, но во Северна Македонија се користи за политички препукувања.Пред неколку дена опозициската ВМРО-ДПМНЕ...

Каде се одговорите на Груби до Меџити? Груби вели дека ги доставил, Собранието и Меџити го велат спротивното

Помина рокот од 20 дена за одговор на првиот вицепремиер Артан Груби на прашањата на неговиот сопартиец Изет Меџити...

Банкарската регулатива проблем за граѓаните? На македонскиот пазар има место за финансиските друштва

Пристапот на граѓаните за подигање на кредити од Банките отежнат. Причината лежи во банкарската регулатива и незаинтересираноста на банките...

Филипче прв ќе се вакцинира, земјата уште ги чека вакцините од Србија

Ниту денеска не пристигнаа вакцините од Србија. Се уште не е подготвена потребната документација за транспорт на вакцините изјави...

Снежана Николовска, вештакот кој ја направил анализата на земјата каде се случило петкратното убиство кај Смилковско езеро, сведочеше по четврти пат за случајот Монструм. Но овој пат имаше неколку контрадикторности во нејзиното сведочење. Зборуваше за работи кои претходно не ги спомнала. Во вештачењето за земјата на Смилковско езеро и Враживир има неточни податоци, или поинаку кажано, таа додала неколку делови од извештајот. Обвинителката, Фатиме Фетаи, ја праша дали е свесна дека станува збор за лажен документ и по чија наредба го направила тоа. Сведочењето на Николовска може да го врати целосно правецот на истрагата и да влијае на одолговлекување на предметот.

„Елементарниот состав на земјата и гранулацијата се вишок, јас ги ставив. Не е по ничија наредба. Немам објаснување за ова.“, рече Николовска.

Таа истакна дека во овој случај направила исклучок и самата била кај местото Враживир (каде е пронајдено возилото Опел Омега) за да земе примерок од земјата. Нејзиниот распит заврши денеска, со одлука во следните пет дена да достави додатни записи за вештачењето и примерокот и лиценцата за работа.

Адвокатот на одбраната, Насер Рауфи, рече дека сведочењето на вештакот го потврди ставот на одбранат дека случајот „Монструм“ е монтиран. Рауфи додаде дека ќе покренат постапка против вештакот за фалсификување на вештачењето.

„Самиот вештак, Снежана Николовска призна дека државата нема никаков метод за анализирање на земјата, тоа е тешка анализа. Таа призна дека во текот на експертизата користела само компаративна метода, значи само бојата на земјата од Смилковско езеро и Враживир. На нашите прашања, но и за прашањата на обвинителството, таа призна дека го фалсификувала нејзиниот извештај, значи не направила анализа на елементите од местото. За тоа фалсификување, ние како одбрана ќе покренеме кривична постапка против вештакот.“, рече Рауфи.

Адвокатот на семејството на жртвите, Дафина Ивановска, рече дека вештакот не рече дека таа земјата не е всушност од земјата која што таа ја анализирала.

Со предлог на одбраната, денеска сведочеше и раководител на групата „Алфи“ и тогашниот главен инспектор за технички криминал. Следното рочиште за случајот Монструм е закажано за 16 октомври, каде е предвидено да се претстават докази од одбраната.