Edhe përkundër fushatave e reklamave të shumta të bëra nga Policia e Kosovës me qëllim të vetëdijesimit të shoferëve gjatë vozitjes dhe parandalimin e aksidenteve, numri i aksidenteve në komunikacion ka shënuar rritje.
Përdorimi i telefonave gjatë vozitjes po rrezikon jetën e qytetarëve. Qytetarët thonë për KosovaPress se përdorimi i telefonit nga shoferët gjatë vozitjes duhet të evitohet.
Vetëm brenda këtij viti në Kosovë janë shënuar 60 aksidente në komunikacion, ndërsa janë shqiptuar 207,913 gjoba, ku një përqindje e këtyre gjobave është dhënë për shoferët të cilët përdorin telefonin gjatë vozitjes.
Njohës të sigurisë rrugore dërgojnë mesazh për shoferët me moto “hap sytë në rrugë, mos hap telefonin”.
Zëdhënësi i Policisë së Kosovës, Daut Hoxha për KosovaPress tha se numri i aksidenteve është shqetësuese. Ai ka theksuar se Ligji për Siguri në Komunikacionin Rrugor ia ndalon shoferëve përdorimin e telefonit gjatë vozitjes.
Ligjëruesi i lëndës së drejtës në komunikacion në Kolegjin “Tempulli”, Muhamed Krasniqi për KosovaPress tha se përdorimi i telefonit gjatë ngasjes së veturës është faktorë kontribues në shkaktimin e aksidenteve në komunikacion.
Telefoni, “taksirat” për shumë aksidente në komunikacion(Video)
НАЈНОВИ ВЕСТИ
